Heyja.
Já, menn fórnuðu sér í gær og nánast misstu af endanum
á Arsenal - Barcelona. En auðvitað skemmtilegast að spila
sjálfur!! Ási var kannski fúlastur, en arsenal vinnur bara næst!
Allt um leikinn hér:
- - - - -
Dags: Miðvikudagurinn 17.maí 2006.
Tími: kl.20.30 - 21.45.
Völlur: Egilshöllin
Þróttur 2 - Fjölnir2 2Staðan í hálfleik: 1 - 0.
Gangur leiksins: 1-0, 1-1, 1-2, 2-2.
Maður leiksins: Bjarmi / Aron Ellert. Mörk: Danni Ben (18 mín) - Aron Ellert (64 mín)
Vallaraðstæður: Heitt inni í höllinni, en alltaf nett að spila þar.
Dómarar: Ertaðgrínast hvað ég dæmdi etta vel!
Liðið (4-4-2): Anton í markinu - Gylfi og Einar Örn bakverðir - Ingimar og Jónas miðverðir - Aron Ellert fyrir framan þá - Bjarki Steinn og Bjarmi á köntunum - Bjarki B og Ási á miðjunni - Danni einn frammi + Snæbjörn, Viktor, Símon, Arnþór Ari og Árni Freyr.
Almennt um leikinn:Fyrri hálfleikur hjá okkur var geggjaður. spiluðum boltanum þvílíkt vel á milli okkar og bjuggum til nokkur afar góð færi.
Ég tók eftir því reyndar svaðalega vel í þessum leik hvað við tölum lítið. Shit, við biðjum ekki einu sinni um boltann þegar við erum einir og hinn maðurinn þarf að losa boltann. hvað er það? Þetta þarf að lagast takk.
Einnig fannst mér vanta að menn virkilega trúðu að þeir myndu skora. Við áttum náttúrulega að skora svona fjögur mörk í fyrri. Danni og Bjarmi voru óheppnir tvisvar. og Aron átti að negla alla veganna einum inn! En vorum 1-0 yfir í hálfleik.
Við misstum niður forskotin snemma í seinni - hleyptum þeim allt of mikið í gegn, vorum allt of stressaðir þegar þeir komu með langa boltann. og vorum svo allt í einu undir þegar 20 voru eftir.
Við megum ekki "panikka" þegar andstæðingurinn sækir á okkur. Við þéttum okkur bara saman og köllum á menn aftur. Pössum að verjast alltaf fyrir aftan boltann. Pössum að vera passlega í bakinu á andstæðingnum og vísum honum í fangið á öðrum Þróttara sem étur boltann, við í sókn. kviss bamm búmm!
Eftir það sóttum við slatta. en þó án þess að komast almennilega í gegn. Danni hefði mátt reyna oftar þríhyrningaspil við kantmanninn eða hinn sóknarmanninn. Og Árni hefði mátt senda boltann lengra upp hornið 2 eða 3 sinnum.
Við vorum líka heppnir einu sinni - en þá bjargaði Snæbjörn vel. Aron jafnaði svo eftir góða sókn. klassa sending fyrir frá Bjarka S. Við hefðum líka geta klárað þetta í lokin en skot frá Danna fór rétt framhjá.
Þannig fór það. Soldið týpískur leikur hjá okkur. Þið vitið - betri aðilinn í leiknum en ná bara jafntefli. Annars var þetta mjög skemmtilegur leikur. Soldið erfitt á köflum að vera að dæma leikinn og líka kalla á ykkur.
En það er einn leikur eftir, v Fram á laugardaginn. Og það er klárt að við ætlum að enda mótið á góðum leik.
- - - - -