Heyja.
Við fengum KR-inga í heimsókn í gær og kepptum við þá fyrsta dag júní mánaðar og í fyrsta grasleik sumarsins takk fyrir. Þannig að það var ekki alveg nógu gott að tapa, sérstaklega eftir hörku fyrri hálfleik. En allt um leikinn hér:
- - - - -
Þróttur 2 - KR 7ÍslandsmótiðDags: Föstudagurinn 1.júní 2007.
Tími: kl.17.00 - 18.15.
Völlur: Suðurlandsbraut.
Staðan í hálfleik: 1-2
Gangur leikins: 0-1, 0-2, 1-2, 2-2, 2-3, 2-4, 2-5, 2-6, 2-7.
Maður leiksins: Eiður Tjörvi (
þó hann hafi ekki skorað var hann síógnandi - hefði samt átt að setjann).
Mörk:21 mín -
Reynir - Slapp einn inn fyrir og kláraði snyrtilega með því að setja boltann yfir markvörðinn.
4 mín -
Reynir - Tók geðveika horspyrnu sem átti viðkomu í varnarmanni KR-inga á leiðinni í netið. En fær þó markið skrifað á sig.
Vallaraðstæður: Smá rok og súld, en samt hlýtt. Völlurinn var smá holóttur, en það reddaðist.
Dómari: Jón Braga rúllaði þessu upp, og
(í fyrsta skipti í minni stjórnartíð) tveir 4.fl leikmenn; Krissi og Diddi - eins og þeir höfðu ekki gert neitt annað í ár, afar nettir.
Áhorfendur: Nokkrir létu sjá sig.
Liðið: Stefán Karl í markinu - Guðbjartur og Högni miðverðir - Hilmar og Gummi bakverðir - Matthías, Orri og Sigurður á miðjunni - Davíð Þór og Eiður á köntunum - Reynir einn frammi.
Varamenn: Þorgeir, Arnþór F, Leó og Ágúst.
Frammistaða:
Stefán Karl: Stóð sig vel, þrátt fyrir stóru tapi. Greip oft gríðarvel inní og bjargaði okkur oft í fyrri hálfleik, með góðum úthlaupum.
Guðbjartur: Stóð sig gríðarlega vel í fyrri hálfleik, en datt töluvert niður í seinni, líkt og nær allt liðið okkar.
Högni: Líkt og Guðbjartur átti hann góðan fyrri hálfleik, en slakan seinni. Gleymdi alltof oft að vera í línu við Guðbjart (hinn miðvörðinn) og var þá auðvelt fyrir KR-ingana að senda boltann í holuna sem myndaðist bak við hann.
Hilmar: Topp leikur í bakverðinum. Stóð sig mjög vel.
Guðmundur: Einn besti leikur hans lengi. Gerði ekki mistök í fyrri hálfleik og var með þeim betri í seinni.
Matthías: Fín barátta, en vantaði stundum á að vera sneggri að "bomba" boltanum inn fyrir á framherjana.
Orri: Hörku leikur, var á fullu í baráttu, ef allir 11 mennirnir væru svona baráttuglaðir myndum við ekki tapa leik. Síðan var þetta náttúrulega hörkumark hjá honum.
Sigurður: Flottur leikur, stjórnaði spilinu og miðjunni mjög vel.
Davíð Þór: Var eini leikmaðurinn sem var betri í seinni hálfleik en þeim fyrri. Það vantaði alla grimmd og ákveðni í hann í fyrri hálfleiknum, verður að vera duglegri að taka af skarið og gera eitthvað sjálfur. Gerði meira af því í seinni hálfleik.
Eiður: Sífellt ógnandi. Hrikalega leiðinlegt að við skyldum ekki ná að nota hann betur, því annars hefði leikurinn ekki endað svona.
Reynir: Flottur leikur. Var ógnandi, en hefði þó átt að skora þrennu.
Þorgeir: Komst aldrei í takt við leikinn á kantinum, en var þó betri í bakverðinum.
Arnþór: Komst aldrei í takt við leikinn. Var alltof lengi á boltanum, hefði átt að vera miklu fljótari að stinga boltanum inn fyrir vörnina.
Leó: Stóð sig best af varamönnunum. Var að berjast og spila boltanum vel frá sér.
Ágúst: Komst aldrei í takt við leikinn þangað til hann meiddist.Almennt um leikinn:
+ Flottur fyrri hálfleikur, þar sem allir voru að berjast fyrir hvorn annan.
+ Sköpuðum mörg færi, sem hefði þó mátt nýta betur.
+ Nokkrir leikmenn sem eru að taka sýnilegum framförum og er það mjög skemmtilegt að sjá. Vonandi að hinir fylgi með.
- Hryllilegur seinni hálfleikur. Þó að nokkrir strákar hafi farið, þá var einfaldlega ekki svona mikill munur á liðunum.
- Einnig var hræðilegt að sjá og heyra hvað það var lítill talandi í liðinu. Eitthvað sem þarf að bæta til muna.
- Hefðum átt að dæla boltunum inn á Eið, vegna þess að hann var mun sneggri en KR-ingarnir og skapaði alltaf mikinn usla þegar hann fékk boltann.
- Að fá á sig 7 mörk á ekki að gerast í 4. flokki og þurfum við eitthvað að fara yfir færslur á vörninni á æfingum.
- Varamennirnir komu bitlausir og ekki tilbúnir í átök. Til hvers að vera að setja leikmenn inn á ef þeir bæta leik liðsins ekkert. Menn eiga að koma dýrvitlausir inn á þegar þeir fá séns.
Í einni setningu: Góður fyrri hálfleikur, en hræðilegur seinni hálfleikur.
- - - - -