Jó.
Það voru fjórir leikir við KR í gær, sunnudag.
Tveir á heimavelli og tveir í rokinu á KR velli.
Allt um kaffið hér:
- - - - -
Dags: Sunnudagurinn 4.desember 2005
Tími: kl.11.30 -12.30.
Völlur: Gervigrasið í Laugardal.
Þróttur 6 - KR 0.
Staðan í hálfleik: 1 - 0.
Maður leiksins: Stefán Tómas.
Mörk: Daníel (16 mín) - Jóel (33 mín) - Stefán 2 (36 mín-42 mín) - Árni Freyr 2 (38mín-45 mín).
Vallaraðstæður: Nett kalt og völlurinn soldið sleipur vegna frosts - en engin vældi þannig að það slapp.
Dómarar: Egill T og Kiddi - ferlega öruggir á flautunni.
Liðið (4-4-2): Krissi í markinu - Anton Helgi og Daði bakverðir - Diddi og Arnþór Ari miðverðir - Stebbi og Mikael á köntunum - Arnar Kári og Daníel á miðjunni - Árni Freyr og Jóel frammi + Anton Sverrir og Tolli.
Liðsmynd!Almennt um leikinn:Afar góður leikur hjá öllum leikmönnum. Öryggi einkenndi leikinn og sigurinn var aldrei í hættu. Vörnin var afar örugg, vel talandi og las leikinn prýðilega. Og þó að hún hafi haft lítið að gera stóð hún sig mjög vel í þeim fáu færum sem KR-ingar fengu. Miðverðir voru mjög traustir og unnu örugglega hvern einasta bolta sem þeir fóru í.
Markmenn höfðu lítið að gera en allt til fyrirmyndar þegar þeir fengu boltann.
Við komust oft upp völlinn og náðum fínum fyrirgjöfum, og þá oftast vinstra megin. Og komust yfir með massa marki frá Danna. Það sem vantaði helst í fyrri hálfleik var að enda sóknirnar með skoti eða betri síðustu sendingu.
Framherjar fóru hamförum í seinni hálfleik - Við fengum urmul af færum sem við nýttum ágætlega en hefðum hugsanlega getað skorað fleiri mörk. Við kláruðum leikinn svo alveg undir miðbik seinni hálfleiks með klassa mörkum. Á heildina litð var þetta snilldar leikur til að byggja á og alltaf ljúft að taka KR-inga í kennslustund!
- - - - -
Dags: Sunnudagurinn 4.desember 2005.
Tími: kl.12.30 - 13.30.
Völlur: Gervigrasið í Laugardal.
Þróttur 0 - KR 7.Staðan í hálfleik: 0 - 1.
Maður leiksins: Guðmundur Andri.
Vallaraðstæður: Nett kalt og völlurinn soldið sleipur vegna frosts - en engin vældi þannig að það slapp.
Dómarar: Egill T og Kiddi - ferlega öruggir á flautunni og voru duglegir að sussa á röflið í kr gaurunum.
Liðið (4-4-2): Kristófer í markinu - Anton Sverrir og Krissi bakverðir - Úlli og Gummi miðverðir - Hákon og Arianit á köntunum - Nonni, Matthías og Ingvar á miðjunni - Tryggvi einn frammi + Elvar Aron - Ágúst Heiðar - Emil Sölvi - Kevin Davíð - Orri - Dagur og Stefán Karl.
Liðsmynd!Almennt um leikinn: Við byrjuðum leikinn alls ekki illa og vorum jafngóðir KR-ingum til að byrja með. Úrslitin segja lítið um gang leiksins því að við hefðum geta komið í veg fyrir alla vega 4 af þessum 7 mörkum.
Við vorum samt nánast allann leikinn í vörn – og gerðum það bærilega, sérstaklega í fyrri hálfleik. Staðan var 1-0 í hálfleik fyrir KR en í seinni fengum við á okkur of mörg ódýr mörk.
Það sem klikkaði helst hjá okkur var spilið frá markmanni. Sendingar voru slakar og það vantaði að menn losuðu sig fría og kölluðu á boltann. Við megum ekki bara standa og horfa á leikinn - við verðum að taka þátt í honum. Og við eigum alltaf að geta leyst útspörkin þar sem andstæðingurinn er yfirleitt með 2 sóknarmenn og við með 4 varnarmenn.
Gáfum alla veganna tvö mörk með því að senda beint á KR-inga við vítateiginn okkar. Og þegar fleiri mörk komu fóru menn svolítið að gefast upp :-(
Við hefðum svo getað klárað tvö færi í lokin en vorum óheppnir.
En við þurfum að athuga betur skiptinguna í leikjum í framtíðinni - KR-ingar skiptu nánast eftir stafrófsröð en við eftir skólum að þessu sinni. Það hentar kannski ekki alveg hjá okkur - en við hefðum samt getað gert aðeins betur í þessum leik. Og á miðvikudaginn geta menn gert betur - í leiknum við Fjölni, ekki spurning. - - - - -
Dags: Sunnudagurinn 4.desember 2005.
Tími: Kl.16.00-16.25 og 16.50 - 17.15.
Völlur: KR - gervigrasið.
Þróttur 1 - KR 4.Staðan í hálfleik: 0 - 1.
Maður leiksins: Ingimar.
Mörk: Bjarki Steinn (40 mín).
Vallaraðstæður: Snór yfir öllum vellinum en grasið samt gott - soldið kalt og smá snjókoma allann tímann þannig að skyggnið var ekki nógu gott - en samt töff frá hliðarlínunni!
Dómarar: Egill B (
5 af 5 mögulegum) og einstaka einstaka sinnum þjálfari KR-inga af hliðarlínunni.
Liðið (4-4-2): Anton í markinu (
en flóki ferlega öruggur fyrstu 3 mínúturnar) - Tumi og Davíð Hafþór bakverðir - Jónas og Gunnar Björn miðverðir - Arnar Páll og Jónmundur á köntunum - Ingimar og Bjarki B á miðjunni - Bjarki Steinn og Gulli frammi.
Liðsmynd!
Almennt um leikinn: Áttum allann fyrsta hálfleik en náðum því miður ekki að klára færin.
Vörnin var frekar traust í fyrri hálfleik en þeir refsuðu okkur fyrir ein mistök. þetta var klúður mark sem kom eftir tæpa sendingu tilbaka – en hefðum samt átt að vinna boltann aftur – létum sóla okkur of marga áður en þeir náðu skoti sem fór inn.
Í seinni hálfleik vantaði svo að vörnin héldi línu - fengum á okkur eitt þannig mark og svo annað þar sem boltinn fór yfir okkur (sagði skýrt að passa það í byrjun leiks) og þeir voru með of mikið forskot að við náðum þeim.
Bjarki skoraði fínt mark eftir klassa sendingu inn fyrir – Hefðum svo átt að skora fleiri mörk en það vantaði bara smá upp á. Bjarki B var svo óheppinn tvisvar: fyrst eftir snilldar spil við Gulla og annað eftir hættulega sendingu inn fyrir frá Bjarka Steini.
Það vantaði aðeins upp á talandann hjá mönnum. Anton átti fínan leik og bjargaði okkur 3-4 sinnum. Miðjan var sterk og "átum" við flestar sóknir KR-inga og þá sérstaklega í fyrri hálfleik.
En eins og sagði þá refsuðu KR-ingar okkur fyrir mistökin og við náðum ekki að nýta okkar færi. En ekkert til að stressa sig yfir. Margt gott í gangi.
- - - - -
Dags: Sunnudagurinn 4.desember 2005.
Tími: Kl.16.25 - 6.50 og 17.15 - 17.40.
Völlur: KR - gervigrasið.
Þróttur 2 - KR 1.
Staðan í hálfleik: 2 - 0.
Maður leiksins: Daníel Ben.
Mörk: Daníel Ben 2 (7 mín og 19 mín).
Vallaraðstæður: Snór yfir öllum vellinum en grasið samt gott - soldið kalt og smá snjókoma allann tímann þannig að skyggnið var ekki nógu gott - en samt töff frá hliðarlínunni!
Dómarar: Egill B (5 af 5 mögulegum) og einstaka einstaka sinnum þjálfari KR-inga af hliðarlínunni.
Liðið (4-4-2): Snæbjörn í markinu - Kristófer og Viktor bakverðir - Aron Ellert og Jakob Fannar miðverðir - Símon og Ágúst Ben á köntunum - Atli Freyr og Bjarki Þór á miðjunni - Daníel og Flóki frammi + Bjarmi - Arnar Már og Óskar.
Liðsmynd!
Almennt um leikinn:
Vorum betri aðilinn allann leikinn en slökuðum aðeins undir lok seinni hálfleiks.
Fínt spil á köflum og flott barátta, vantaði stundum uppá það að vinna “seinni boltann”, þar sem við áttum oft þann fyrsta en misstum boltann svo strax aftur.
Veðrið var ekkert spes í lokinn en menn kláruðu dæmið og héldu út – vörnin hefði mátt vera aðeins betur samstillt í lokin en dugði þó. Lítið við markinu þeirra að gera - hefði samt kannski getað lokað á skotið fyrr.
Við fengum þó nokkur færi í viðbót en náðum ekki að klára - var þó þokkalega sáttur við eitt: við áttum um 4-5 skot á markið þeirra í seinni hálfleik - annað hvort eftir fínan undirbúing þar sem leikmenn lögðu boltann út á samherja - en einnig voru nokkur flott einstaklings framtök.
Sama og hjá fyrra liðinu - það vantaði talanda hjá nokkrum. En við vorum sterkara liðið og hefðum geta sett fleiri mörk á þá og unnið stærra. En sættum okkur alveg við þetta. Erþaggi?
- - - - -