Heyja.
Við kepptum tvo leiki við ÍA í gær. Hefðum getað gert betur
en eins svo oft áður lendum við undir á undan! og reynist það
okkur oft erfitt að jafna leikina. en check it out!
- - - - -
Dags: Laugardagurinn 21.janúar 2006.
Tími: Kl.16.00 - 17.00.
Völlur: Gervigrasið í Laugardal.
Þróttur 0 - ÍA 2Staðan í hálfleik: 0 - 2.
Maður leiksins: Viktor.Vallaraðstæður: Völlurinn var klikkað góður - en það var farið að vera svolítið kalt undir lok leiksins.
Dómarar: Ingvi og Kiddi - ekki ein misstök, enda bestu dómararnir af þjálfaracrewinu!
Liðið (4-4-2): Anton í markinu - Viktor og Tumi bakverðir - Gylfi Björn og Jakob Fannar miðverðir - Atli Freyr og Gulli á köntunum - Símon og Arnar Már á miðjunni - Ástvaldur og Bjarki Steinn frammi + Arnar Páll, Bjarki Þór, Ágúst Ben, Snæbjörn og Arnþór Ari.
Liðsmynd!Almennt um leikinn:Það var greinilegt að það er soldið langt síðan við tókum leik síðast! Og einn stuttur töflufundur dugði ekki alveg til! Því það vantaði mikið upp á skipulag hjá okkur í byrjun - menn voru ekki í sínum stöðum og tókum við mikið af röngum færslum og hlaupum.En þetta skánaði nú þegar leið á leikinn - hefðum getað komist yfir eftir góða stungusendingu inn fyrir á Bjarka en góður markmaður ÍA náði að verja.
En það sem varð okkur að falli voru slakar sendingar. Allt og oft völdum við rangan kost og misstum boltann, yfirleitt beint til ÍA-manna. Ég taldi alla veganna um 20-25 skipti sem er allt of mikið. Ég minntist á þetta í hálfleik þannig að þetta batnaði aðeins í seinni. Mér fannst leikmenn líka stressaðir að halda boltanum aðeins, ekki bomba honum frá sér strax!
En það vantaði aðeins bit í okkur í seinni hálfleik - vorum yfirleitt að sækja á of fáum mönnum - en vörðumst ágætlega og fengum ekki á okkur mark.
Baráttan var miklu betri en oft áður og sýndist mér flestir hafa tekið vel á því - það er náttúrulega nauðsynlegt ef við ætlum okkur að vinna leiki - þá þurfa allir að vera á milljón allan tímann.
En þetta var fyrsti leikurinn í langan tíma - nú er bara að taka annan fljótlega og gera betur.
- - - - -
Dags: Laugardagurinn 21.janúar 2006.
Tími: Kl.17.00 - 18.00.
Völlur: Gervigrasið í Laugardal.
Þróttur 1 - ÍA 4
Staðan í hálfleik: 1 - 2.
Maður leiksins: Guðmundur Andri.Mörk: Davið Hafþór 27 mín.
Vallaraðstæður: Völlurinn var afar góður - en það var orðið frekar kalt þegar leikurinn byrjaði.
Dómarar: Egill T og Kiddi - ansi góðir.
Liðið (4-4-2): Orri í markinu - Jónmundur og Elvar Aron bakverðir - Arnþór Ari og Gunnar Björn miðverðir - Davið Hafþór og Kristófer á miðjunni - Gummi og Kormákur á köntunum - Flóki og Gulli frammi + Kevin Davíð, Óskar, Hákon og Emil Sölvi.
Liðsmynd!Almennt um leikina:Við vorum alveg inn í leiknum í fyrri hálfleik - fengum hvert færið á eftir öðru og getum svekkt okkur soldið yfir að hafa ekki sett alla veganna 2 eða 3 mörk! Þá hefðu úrslitin klárlega verið önnur. En ÍA-menn voru yfir 2-1 í hálfleik - og kláruðu svo dæmið í seinni. Við fengum nokkur færi í seinni hálfleik en sama og í leiknum á undan þá var mikill munur á fyrri hálfleik og seinni hjá okkur - virkðum soldið búnir á því í lokin - og ÍA menn virkuðu einfaldlega sprækari.
Og þegar við fengum boltann fram þá vorum við iðulega 1-2 að djöflast, vantaði að allir tækju á sprett fram og aðstoðuðu í sóknina.
Þurfum líka að passa að lenda ekki í veseni í útspörkum - bara taka þau strax og finna helst bakverðina sem svo koma boltanum í leik.
En eins og sagði áðan þá vantaði bara að klára færin okkar - það kemur - bara vera salla rólegir inni í vítateig andstæðinganna!
Menn tóku líka vel á því en voru kannski smá hættir í lokinn þar sem staðan var orðin slæm - en það má aldrei - alltaf klára sig út - og garga félagana með.
Höfum séð það verra - bara djöflast og klára næsta leik.
- - - - -