Leikur v Val - þrið!
Jamm.
Það var einn leikur í dag, þriðjudaginn 1.maí - v Val á gervigrasinu.
Vorum sterkari aðilinn - eins og í síðustu þremur leikjun - en mörkin létu
bíða eftir sér! Flottur sigur engu að síður - allt um hann hér:
- - - - -
Þróttur 3 - Valur 0.
Rvk mótið
Dags: Þriðjudagurinn 1.maí 2007.
Tími: kl.13.00 - 14.15.
Völlur: Gervigrasið í Laugardal.
Staðan í hálfleik: 0 - 0.
Maður leiksins: Kormákur (Hraður, hættulegur og setti tvennu).
Mörk:
30 mín - Árni Freyr - Smellti honum í þaknetið með flottu skoti eftir snilldar sendingu frá Degi.
32 mín - Kormákur - Komst einn innfyrir (loksins) eftir flotta sendingu og kláraði eins og á að gera.
34 mín - Kormákur - Kláraði leikinn með föstu skoti rétt fyrir utan markteig - óverjandi.
Vallaraðstæður: Nokkuð hlýtt þótt sólinn hafi ekki látið sjá sig - völlurinn eins og hann er!
Dómari: Kiddi og Nonni - flottir og létu ekki Steina þótt hann hafi æst sig pínku!
Áhorfendur: Fullt af liði - úr báðum liðum - nett stemmning.
Liðið:
Krissi í markinu - Úlli og Daði bakverðir - Nonni og Tolli miðverðir - Stebbi og Viddi á köntunum - Diddi og Arnþór á miðjunni - Tryggvi og Árni Freyr frammi. Varamenn: Anton Sverrir, Jóel, Dagur, Ólafur Frímann og Kormákur. Vantaði: Valgeir Daða.
Frammistaða:
Krissi: Flottur leikur - hélt hreinu (varla annað hægt ef svona upphitun).
Úlli: Klassa leikur - barðist vel eins og vanalega og átti alla bolta sín megin.
Daði: Duglegur að bjóða sig - og skilaði boltanum yfirleitt vel frá sér - var samt stundum aðeins of seinn að losa og fékk valsmanninn í sig.
Nonni: Einn einn klassa leikurinn. Ekkert meira um það segja.
Tolli: Massa vinnsla - étur alla bolta uppi og fer á menn eins og ljónið - óheppinn að meiðast tvisvar en veit að hann harki það af sér léttilega.
Stebbi: Topp leikur - komst oft upp kantinn en vantaði aðeins upp á að boltinn skilaði sér á framherjana.
Viddi: Líka í góðum málum - Spilaði sig oft frían í fyrri og átti nokkrar fyrirgjafir - Líka nettur miðsvæðis í seinni.
Diddi: Afar góður leikur - Bjargaði okkur og rúllaði miðverðinum upp - eins og í gamla daga!
Arnþór: Fannst hann ekki alveg í gírnum í byrjun - en allt annar þegar hann kom aftur inn á og sá með hinum um að klára leikinn síðustu fimm.
Árni Freyr: Gerði sitt - ótrúlega vel klárað í markinu sem kveikti í okkur - vantaði herslumunin í hinum færunum.
Tryggvi: Hættulegur og duglegur að koma sér í færi - óheppinn/klaufi að setja ekki mark á þá.
Kormákur: Brilliant innkoma - afar snöggur - fór trekk í trekk í gegn - og skoraði tvö frábær mörk.
Dagur: Aftur snilldar innkoma - lagði algjörlega upp fyrsta markið - lét árna fá hann á silfurfati - þarf samt að garga meira á boltann til að fá hann oftar.
Ólafur Frímann: Stóð fyrir sínu - prýðis leikur.
Jóel: Seigur - ferskari en í undanförnum leikjum (enda fermdur maður!)
Anton Sverrir: Mikið í boltanum og alltaf að búa eitthvað til eða koma sér í færi - var heldur oft rangstæður í leiknum (en kiddi tekur það kannski bara á sig).
+ Losuðum oft vel úr pressu eftir útspörk með stuttu spili frá bakverði - á miðvörð á miðjumann (meira af því strákar því við eigum að ráða við það léttilega).
+ Hrikalega sterkir tilbaka - lítið um að þeir komust í gegn - Krissi sá algjörlega um þeirra hættulegasta færi.
+ Flott breidd í hópnum - Fullt af mönnum að standa sig - og nokkrir meir að segja fyrir utan hópinn (meiðsli ofl).
+ Héldum áfram alveg fram í lokinn - sem sýndi okkur bara að leikurinn er ekki búinn fyrr en eftir 70 mínútur.
- Óheppnir að klára ekki nokkur upplögð færi.
- Ferlega oft rangstæðir í leiknum - sjáum ekki línuna nógu vel - eða menn eru of seinir að senda menn í gegn.
- Vorum aðeins of góðir við okkur og fórum ekki í allar tæklingar á fullu.
- Vantaði aðeins að menn vönduðu sig meira í sendingum.
- Vorum of mikið í kýlingum í fyrri hálfleik sem ekkert kom upp úr. Alltaf beint á Valsara.
- Leikurinn ekki tekinn upp á vídeó - hefði verið afar sterkur leikur.
Í einni setningu: Kláruðum leikinn örugglega síðustu fimm mínúturnar - þeir stóðu alveg í okkur og vörðust vel - en náðum að brjóta þá niður í lokinn eins og klassa liði sæmir og uppskárum þriggja marka sigur. Flottur karakter og svo er það bara Víkingur á laugardag (til að koma okkur í 3 - 3).
- - - - -