Sælir.
Í gær voru tveir leikir við ÍA upp á Skaga. 4.flokkur ÍA
fær að keppa einu sinni á ári á aðalvellinum þeirra og urðu
þessir leikir við okkur fyrir valinu. Það er ekki hægt að segja
að þetta hafi peppað okkur upp því úrslitin voru einfaldlega
mjög slæm - flest um leikina tvo hér:
- - - - -
Íslandsmótið - Akranesvöllur - Mánudagurinn 8.ágúst kl.17:00-18:15Þróttur 1 - ÍA 10.Liðið (4-4-2): Egill - Aron H - Valli - Siggi - Jónas - Einar - Tommi - Oddur - Viggó - Stymmi - Ævar + Baldur - Danni Ben. Mörk: Viggó.Stóð sig skást: Jónas Almennt um leikinn:Hvar skal byrja! Eins og sagði áðan var leikurinn á aðalvelli þeirra ía-manna. Þokkalega góðar aðstæður þrátt fyrir rok. Veit ekki hvort menn hafi verið óöruggir og vantað alla trú um að standa sig á móti þeim! OK, það er virkilega pirrandi að sjá A-liðið sitt vera smeyka við það að senda 5-7 metra sendingar, þið voruð oft að velja réttu sendingamöguleikana en málið var það að sendingarnar voru bara alls ekki nógu ákveðnar, vindurinn var ekki það mikill og grasið var nottla gott þannig að það er enginn afsökun fyrir þessari óákveðni.
Ef menn dirfast að mæta aftur í leik með svona mikla virðingu fyrir andstæðingnum þá geta menn bara hætt í þessu sporti og ég veit að þið viljið það ekki. Ekki nóg með það að við náðum ekki senda bolta á næsta mann, heldur í þau fáu skipti sem við náðum því stressaðist boltamaðurinn bara upp og bombaði bara í boltann og vonaðist til þess að hann færi á Þróttara - ekki nógu gott, þið verðið að hafa sjálfstraust og hafa trú á því að þið séuð góðir fótboltamenn - annars verðið þið aldrei slíkir.
Fyrir utan það að það vantaði nokkra menn í liðið - sem er engin afsökun - þá er ekki nógu gott að það mæta 7 menn af 14 á síðustu æfingu fyrir leik - við vitum að það eru ferðalög ofl - en við erum eitt lið og þetta hefur áhrif.
Veit ekki hvort ÍA menn voru svona ferlega grófir en það hefur líka áhrif á leik liðsins þegar 5 menn af 14 biðja um skiptinu vegna meiðsla. Auðvitað getur það alltaf skeð - en þetta er frekar há tala.
Nú verðum við einfaldlega að taka okkur saman í andlitinu og fara að axla meiri ábyrgð. Þið getið svo miklu miklu meira en það sem þið hafið sýnt á móti Fylki og ÍA. Þetta eru vissulega sterk lið en það eru við líka. punktur. Við megum aldrei gefast upp - þegar reynir á þá sér maður virkilega hverjir eru menn til að klára dæmið.
Fara bara að einbeita sér að ÍR leiknum sem er næsta fimmtudag - ekkert stress samt. Hugsum bara um að bæta það sem hefur farið úrskeiðis í síðustu leikjum - við förum létt með það. ok sör.
- - - - -
Íslandsmótið - Akranesvöllur - Mánudagurinn 8.ágúst kl.18:30-19:45
Þróttur 0 - ÍA 5
Liðið (4-4-2): Binni - Gylfi - Aron E - Ingimar - Arnar Már - Matti - Bjarmi - Ævar Hrafn - Danni Ben - Auðun - Bjarki B + Gulli - José - Snæbjörn - Óli M.
Stóð sig skást: Matti
Almennt um leikinn:Þessi leikur var nokkuð góður þrátt fyrir fimm mörk á okkur! Það er náttúrulega of mikið. og erfitt að halda áfram þegar staðan er 3 eða 4-0. En engu að síður var fyrri hálfleikurinn virkilega góður, þið hélduð áfram að láta boltann rúlla milli kanta og milli manna, náðum samt ekki alveg að skapa okkur nógu mörg færi, en þau fengum við samt og í svona jöfnum leikjum er það bara spurning um hvort liðið skorar á undan, og sú varð rauninn - við fengum tvo góða sénsa áður en þeir skora sín mörk og ég er handviss um að við hefðum tekið leikinn hefðum við skorað á undan þeim.
En semsagt, þeir skora fyrsta markið sitt eftir horn og svo annað í raun strax í kjölfarið. Seinni hálfleikurinn var svo bara alls ekki nógu góður, kannski vegna þess að þeir skora mjög fljótlega þá er staðan orðinn 3-0 og ég veit að það er erfitt að rífa sig upp í þeirri stöðu, en það verða bara einhverjir að stíga upp og rífa sig og liðið upp við þannig aðstæður (sbt. Gerrard vs. Milan í meistaradeildinni í fyrra.) Sama hjá ykkur og A liðinu - við erum að fá of mörg mörk á okkur - verðum að verjast betur og þá allir 11. sóknarmenn verða að pína sig nánast alveg aftur að miðjum okkar vallarhelming. Eins og sagði áðan - þurfum að nýta færin okkar betur - og halda áfram allar 70 mín.
Þið börðust ágætlega - bökkuðu hvorn annan vel upp og sýnduð klassa spil á köflum.
ÍR næsta fimmtudag - allir að fókusa á að klára hann - allir á 110%.
- - - - -