Leikur v Fjölni!
Heyja.
Það var einn leikur í dag á móti Fjölni í Egilshöll.
Vorum á milljón alveg þanngað til um 18 mín voru
eftir af seinni - þá "kláruðu" þeir okkur. allt um leikinn hér:
- - - - -
Dags: Miðvikudagurinn 30.nóvember 2005.
Tími: kl.16.10-17.20.
Völlur: Egilshöll.
Þróttur 0 - Fjölnir 5.
Staðan í hálfleik: 0 - 0.
Maður leiksins: Stefán Tómas
Vallaraðstæður: Alltaf nett að spila í Egilshöllinni!
Dómarar: Ingvi/Egill og svo Elmar þjálfari Fjölnis.
Liðið (4-4-2): Krissi í markinu - Tolli og Úlfar bakverðir - Diddi og Arnar Kári miðverðir - Daði og Jóel á köntunum - Nonni og Arnþór Ari á miðjunni - Árni og Stebbi frammi + Kristófer - Davíð Þór - Kormákur - Mikael Páll.
Liðsmynd!
Almennt um leikinn:
Það var fín barátta í okkur nánast allann leikinn og sýndust flestir alveg búnir í lok leiks. Fjölnismenn voru þó alltaf ívið sterkari en við og sóttu meira allann leikinn. þeir fengu nokkur góð færi í fyrri hálfleik en við náðum alltaf að bjarga og aftra að þeir komust yfir.
Við aftur á móti fengum fá færi og náðum einhvern veginn aldrei að sækja á fleiri en 2-3 mönnum - náðum heldur engum stungusendingum á árna og stebba - og vorum í einu orði sagt mjög slakir sóknarlega í dag.
Staðan var jöfn alveg þanngað til um 18 mínútur voru eftir - en þá náðu Fjölnismenn að skora fimm sinnum. Alltof mörg mörk og ekki alveg rétt mynd af öllum leiknum. Við fengum boltann nokkrum sinnum yfir okkur og komust þeir þannig í gegn. Annars héldum við varnarlínunni nokkuð vel, en það getur verið mjög erfitt að passa línuna, manninn og horfa á boltann. En samt lásum við leikinn oft og náðum að komast inn í hættulegar sendingar.
Það sem klikkaði líka var að það var lítil hreyfing án bolta hjá mönnum og vantaði að menn hugsuðu aðeins lengra. þ.e. það er ekki nóg að senda á t.d. Arnþór, heldur þarf að senda á Arnþór og vera með á hreinu hvað Arnþór getur gert næst við boltann (á hvern getur hann sent svo - og látið hann vita af því).
Það vantaði oft bara herslumuninum hjá okkur að komast alla leið - boltinn rúllaði ágætlega á köflum. það hefði líka verið nett að "setjann" í lokinn með "skorpion spyrnu" en markvörður fjölnis varði meistaralega.
Fjölnismenn eru vissulega sterkir en alls ekki 5-0 betri en við. þurfum að halda einbeitingu og vinnslunni allar mínúturnar. Vonum svo bara að við fáum annan sjens á móti þeim i vetur - svo er það KR á sunnudaginn. Ok sör!
punktar frá Agli:
- Það var stundum gott spil úr vörninni, en síðan var eins og það vantaði einhver tengilið á milli miðju og sóknar.
- Markspyrnur voru fínar, fyrir utan nokkur tilvik.
- Það vantaði talanda í liðinu, Diddi var eini sem var að tala.
- Það vantaði meiri sigurvilja í liðið, vera tilbúnir að gera allt til þess að vinna. Baráttan var nefnilega ekkert það góð hjá flest öllum. En inná milli voru náttúrulega strákar sem voru á fullu.
- Vorum alltof mistækir í vörninni, sérstaklega í seinni hluta seinni hálfleiks.
- Kantmennirnir voru of hræddir að æða upp og fara einn á einn. Reyndu alltof oft tæpa sendingu inná miðjumann. Þessar sendingar klúðruðust oft og við fengum því oft á okkur óþarfa skyndisóknir.
- Varnarlínan hélst oftast bein, nema í örfáum tilvikum. Þess vegna var nokkuð oft rangstæða í seinni hálfleik.
- - - - -