Heyja.
Það var massa leikjadagur í gær. meir að segja tveir leikir
á sama tíma! Þvílíkt nepjulegt úti og niðurstaðan 1 sigur og 3 töp!
allt um kaffið hér:
- - - - -
Haustmótið - Fylkisvöllur - Mánudagurinn 12.september kl.17.15 - 18.30.Úrslit: Þróttur 0 - 2 FylkirStaðan í hálfleik: 0 - 0.Liðið (4-4-2): Egill - Aron H - Valli - Dabbi - Stymmi - Einar - Villi - Oddur - Jölli - Ingó - Ævar + Auðun - Jónas - Matti - Danni.Maður leiksins: Davíð S Almennt um leikinn:Einn af betri leikjum hjá okkur í ár - klárlega - stóðum alveg í þeim þanngað til í blálokinn. og þá var það eins og við trúðum ekki að við gætum gert jafntefli við þá eða unnið þá.
Það var greinilegt að engin var eitthvað hræddur við þá eða ætlaði að láta úrslitin síðan í sumar trufla sig. Við tókum fast á þeim og þeir fengu ekki að labba í gegn eins og síðasta leik. Vörnin var afar þétt og Valli og Dabbi sáu alveg um Pape, en hann er náttúrulega gríðarlega seigur leikmaður sem erfitt er að halda í skefjum.
Eins og sagði; klassa fyrri hálfleikur - 0-0 í hálfleik (eins og reyndar í þremur leikjum í dag).
Við erum eiginlega á því að fyrra markið þeirra hafi verið rangstaða - það leit alla veganna þokkalega út fyrir það. kannski slökuðum við pínu á eftir það- Svo var seinna markið þeirra frekar ódýrt - tveir leikmenn seldu sig og þeir náðu einföldu skoti á markið.
Við vorum kannski ekkert rosalega líklegir til að skora í dag - en við spiluðum boltanum vel út frá markmanni - og stundum vantaði afar lítið upp á að Ævar næði að spóla sig í gegn. áttum nokkur skot og 1-2 fyrirgjafir.
Miðjan var afar dugleg og vann vel - Egill átti góðann leik í markinu - og fórnaði m.a. hendinni í eitt skiptið. (íshokkíþjálfarinn örugglega sáttur!) Leikmenn sem komu inn á komust fljótlega í takt við leikinn og börðust vel.
Nú er bara að klára mótið með sigri. Förum ekki í gegnum heilt mót án þess að vinna leik - ekki breik! og með eins leik og í dag þá er engin hætta á öðru. við þurfum bara að einbeita okkur að okkur sjálfum - og ekki spá í mótherjunum of mikið. alrighty.
- - - - -
Haustmótið - Fylkisvöllur - Mánudagurinn 12.september kl.18.30 - 19.45.
Þróttur 0 - 4 Fylkir
Staðan í hálfleik: 0 - 0.
Liðið (4-4-2): Snæbjörn - Bjarmi - Þorsteinn - Jónas - Einar Þór - Ævar H - Baldur - Hákon - Bjarki B - Daníel - Arnar Már + Bjarki Þ - Gulli - Gylfi - Jakob - José - Símon.
Maður leiksins: Baldur
Almennt um leikinn:Var virkilega fúll eftir þennan leik - og missti mig "pínku" inn í klefa! Aðallega út af því að við töpuðum 4-0 fyrir liði sem er ekkert betra en við - og það var alls ekki að sjá á öllum leiknum að fylkir væri að vinna okkur 4-0.
þetta var ótrúlegt - við áttum fjöldann allan af góðum færum en náðum ekki að nýta þau. en þrátt fyrir þessi færi þá gerðist það samt "trekk í trekk" að við vönduðum okkur ekki nógu vel og misstum boltann afar illa þegar kom að þeirra vítateig.
leikurinn var frekar jafn og í raun upp úr þurru náðu þeir að setja sín mörk. þeir skoruðu tvisvar eftir að leikmaður hjá þeim var einn inn í markteig og fékk boltann og potaði honum inn. þetta á bara ekki að gerast.
menn börðust samt ágætlega - þannig að ég skil hreinlega ekki hvernig við fórum að missa leikinn niður í stórt tap. þetta hefur reyndar gerst nokkrum sinnum í sumar - t.d. töpuðum við 7-5 fyrir nánast sama liði í júlí.
Ein skýringin er að það vantar talanda, færslu og aðeins betra skipulag í vörnina. önnur skýringin getur verið að menn hafi verið þreyttir í lokinn og þá fara mistökin að gerast. Því fyrri hálfleikurinn var miklu betri - enda 0-0 í hálfleik.
En við spóluðum okkur samt oft í gegn með fínu spili en náðum ekki að klára.
Ekkert annað að gera en gera betur í næsta leik. ok sör.
- - - - -
Haustmótið - Fylkisvöllur - Mánudagurinn 12.september kl.19.30 - 21.00.
Úrslit: Þróttur 4 - 1 Fylkir
Staðan í hálfleik: 2 - 1.
Liðið (4-4-2): Anton - Viktor - Arnar Már - Atli Freyr - Davíð Hafþór - Flóki - Ástvaldur - Bjarki Steinn - Arnar Páll - Tumi - Pétur Dan + Kristján Einar - Viðar - Arnar Kári - Jónmundur - Óskar - Gunnar Björn - Hreiðar Árni - Ágúst Ben.
Mörk: Bjarki Steinn 3 - Arnar Páll.
Maður leiksins: Bjarki Steinn.
Almennt um leikinn:Þetta var klassa leikur hjá okkur - frekar jafn í byrjun fyrri hálfleiks - en eftir það var aldrei hætta að við myndum missa leikinn niður.
Við vorum með fjölmennt lið í dag - en það kom ekki að sök. Allir sem spiluðu og komu inn á stóðu fyrir sínu og meira en það - það fengu 3 leikmenn í 5.flokki að spreyta sig og var ekki að sjá að þetta væri fyrsti leikur þeirra á stórum velli.
Við settum flott mörk - bjarki var á skotskónu og setti 3 mörk - eitt sérlega glæsilegt beint úr aukaspyrnu. svo setti arnar eitt. Hefðum vel getað bætt við en það vantaði herslumuninn inn í vítateignum.
Anton mjög öruggur í markinu og kom vel út á móti þegar það þurfti - og skilaðu honum vel frá sér.
Við létum boltann ganga frábærlega - á bakvörð, inn á miðjuna og aftur út á kant - vantaði samt kannski að koma með betri bolta á sentarana og þá líka betri hlaup hjá þeim.
Menn nýttu vel þann tíma sem þeir fengu - veit að allir vilja vera inn á - en menn voru þolinmóðir og gerðu bara gott úr hlutunum.
Það er svo aftur leikur á fimmtudaginn á móti Leikni - klárum hann pottþétt með svona spilamennsku.
- - - - -
Haustmótið - KR völlur - Mánudagurinn 12.september kl.19.30 - 21.00.
Úrslit: Þróttur 0 - 4 KR
Staðan í hálfleik: 0 - 0.
Liðið (4-4-2): Brynjar - Ágúst - Óttar - Pétur - Gunnar Ægir - Hafliði - Ívar - Róbert - Sigurður Einar - Ólafur M - Atli + Daníel - Ari Freyr - Páll.
Maður leiksins: Pétur Hjörvar.
Almennt um leikinn: Það er hreint ótrúlegt að við skildum hafa tapað þessum leik með fjórum mörkum, þar sem þetta var rosalega jafn leikur og hefði í raun alveg getað fallið okkar megin, eins og sést þegar maður lítur á hálfleikstölur.
Allan fyrri hálfleikinn fannst mér við vera betri, við sluppum nokkrum sinnum innfyrir vörn KR-inganna og fannst mér við oft klikka út af því að við vorum of stressaðir fyrir framan markið, maður verður að vera rólegur og "leggja" boltann í annaðhvort hornið. Reyndar fengu þeir sín færi, en Binni var eins og klettur í markinu og var ávallt á tánum.
Í hálfleik töluðum við um að halda áfram að pressa þá ofarlega og reyna að setja mörk á þá. Í byrjun seinni hálfleiks vorum við betri, en fengum engin alvöru færi, því við vönduðum okkur ekki alveg nógu mikið þegar við áttum að senda mikilvæga sendingu. Hinsvegar var það ekki þannig hjá KR-ingunum og skoruðu þeir í fyrsta alvöru færinu sínu í seinni hálfleik. Þetta var frekar súrt, en við héldum áfram að pressa þá stíft og bjóst ég við því að við myndum ná að jafna leikinn. En síðan gerðum gerðum við dýr mistök í vörninni, og kostaði það okkur mark. Eftir þetta efldust þeir og urðu betri aðilinn í leiknum. Samt sem áður var mikil barátta í okkar liði og gáfum við þeim alls ekkert eftir.
Þegar ég lít yfir leikinn er ég kannski ekki ósáttur með frammistöðu leikmannanna, heldur er ég ósáttur með úrslit leiksins. Bestir í leiknum voru þeir: Brynjar, Pétur og Ólafur M.
- - - - -