Ísl mót - leikir v Leikni!

Jebba.

Íslandsmótið byrjaði áðan með tveimur leikjum við Leikni. Nokkuð traustur sigur í fyrri leiknum þó að það hafi bara munað einu marki á liðunum. Afar slakt jafntefli í þeim síðari eftir að hafa verið sterkari aðilinn í seinni hálfleik og hreinlega vaðið í færum. En svona er etta. Allt um leikina hér:

- - - - -

Þróttur 1 - Leiknir 0.
Íslandsmótið

Dags: Fimmtudagurinn 31.maí 2007.
Tími: kl.17.00 - 18.15.
Völlur: Leiknisgervigras.

Staðan í hálfleik: 0 - 0.

Maður leiksins: Arnar Kári (á undan í alla bolta - á sinn varnarhelming).

Mörk:

65 mín - Anton Sverrir með geggjaðan hálfan hjólhest í hornið eftir sendingu frá Árna Frey.

Vallaraðstæður: Afar mikið rok en frekar hlýtt.
Dómari: Gaur sem var sóló, en slapp alveg.
Áhorfendur: Þó nokkir voru hinum megin við völlinn í góðu chilli.

Liðið:

Krissi í markinu - Tolli og Valli bakverðir - Nonni og Addi miðverðir - Stebbi og Viddi á köntunum - Diddi og Arnþór á miðjunni - Árni Freyr og Anton Sverrir frammi. Varamenn: Daði Þór. Vantaði: Guðmund Andra.

Frammistaða:

Krissi: Reyndi lítið á hann en var massa traustur þegar það þurfti.
Valli: Nánast orðinn 100% fit – og átti flottann leik.
Nonni: Seigur, stoppaði allt með Adda.
Addi: Sterkur – hann og Nonni að smella passa í miðverðinum.
Tolli: Líka öflugur en vantar soldið upp á sendingar á samherja, vinna í fyrsta touchinu.
Stebbi: Nokkur góður leikur - gerði allt rétt.
Viddi: Klassa leikur - naut sín vel með boltann í sókninni.
Diddi: Griðar sterkur og stjórnaði leiknum vel á miðjunni að vanda.
Arnþór: Fín vinnsla og góð varnarvinna – sendingarnar hefði mátt vera betri í dag.
Anton S: Var soldið í frjálsri stöðu sem hentaði honum vel - klassa touch í dag og ertu að grínast með markið.
Árni: Flottur leikur - átti snilldar sending á Anton sem gaf mark - vantaði kannski meira tal við Anton.

Daði: Klassa innkoma – átt ekki feilspor í bakverðinu en hefði mátt koma meira með í sóknina.

Almennt um leikinn:

+ Afar hættulegir allann leikinn og vorum í því að búa til færi.
+ Klassa keyrsla á nánast öllum leikmönnum.
+ Held að Leiknir hafi fengið 4-5 færi í leiknum - lokuðum öllu.
+ Keyrðum okkur út - flestir með 70 mín takk fyrir.

- Skotin okkar frekar döpur í fyrri.
- Fá bakverðina meira upp - fá fleiri fram á við.
- Hefðum mátt pressa betur á þá.
- Of lausar sendingar á köflum.

Í einni setningu: Nauðsynlegur sigur þó tæpur hefði verið - en ekki miðað við færin sem við vorum að fá - en við gerðum það sem þurfti og kláruðum etta.

- - - - -

Þróttur 3 - Leiknir 3.
Íslandsmótið

Dags: Fimmtudagurinn 31.maí.
Tími: kl.18.15 - 19.25.
Völlur: Leiknisgervigras.

Staðan í hálfleik: 2 - 2.
Gangur leikins: 1 - 0, 1 - 1, 2 - 1, 2 - 2, 3 - 2, 3 - 3.

Maður leiksins: Dagur Hrafn (yfirburðarmaður í leiknum).

Mörk:

4 mín - Seamus með snilldar skot yfir markmanninn.
13 mín - Tryggvi með geggjaðan skalla eftir sendingu frá Danna.
43 mín - Jóel með skot langt utan að velli í þaknetið.

Vallaraðstæður: Frekar windy - en nokkuð heitt.
Dómari: Verð að segja pass hér!
Áhorfendur: Ekkert rosa margir í rokinu!

Liðið:

Sindri í markinu - Viktor og Mikki bakverðir - Úlli og Mikki miðverðir - Dagur og Seamus á köntunum - Jóel og Kristó á miðjunni - Danni Örn og Tryggvi frammi. Varamenn: Sindri Þ, Davíð Þór og Silli. Vantaði: Komma og Magga.

Frammistaða:

Sindri G: Bjargaði okkur nokkrum sinnum með flottum markvörslum - en oft verið betri.
Viktor: Nokkuð góður leikur - í snilldar formi - einstaka sendingar hefðu mátt vera betri.
Daði: Eitthvað þreyttur eftir fyrri leikinn – komst ekki alveg í taktinn í byrjun.
Úlli: Meiddist snemma í leiknum – hefði verið nett að fá hann loksins klárann í leikinn, en það bíður fram að Gróttu leiknum.
Mikki: Fínn leikur – gerði allt sitt rétt og spilaði allar 70 mín vel.
Dagur: Afar góður leikur – mikið í boltanum, óhræddur að fara sjálfur, fór oft í gegnum leiknismennina og skapaði hættu.
Jóel: Setti flott mark en hefði mátt vera hættulegri fram á við - skjóta meira á markið enda með þrusu skotfót.
Kristó: Klassa vinnsla allann leikinn - hefði kannski mátt halda betur á miðsvæðinu á köflum!
Seamus: Setti geggjað mark í byrjun en sást lítið eftir það. Vantar meiri vinnslu fram og tilbaka þegar það á við. Á líka að geta fundið félagana betur í færum.
Tryggvi: Nokkuð góður leikur – setti sjúkt mark í fyrri með skalla, en vantaði aðeins betra “touch” á köflum – þá hefði hann sett þrennu!
Danni: Var frekar öflugur, kom sér í fullt af færum, lagði upp markið hans Tryggva, en átti að klára sjálfur einu sinni eða tvisvar.

Davíð Þór: Vantaði alla grimmd og allt tal. Verður að laga þessa hluti því boltatæknin er svo innilega til staðar.
Sindri Þ: Flottur leikur – barðist vel á miðjunni og gaf ekki tommu eftir í návígum.
Silli: Vantaði fullt upp á skipulagninguna með Daða, ekkert tal í gangi og fór stundum of mikið úr sinni stöðu.

Almennt um leikinn:

+ Settum 3 geðveik mörk í dag - synd að ná ekki að sigra með þeim.
+ Góðir í 1 v 1 fram á við.
+ Bjuggum til ca.10 nett færi sem hefði mátt gefa 1-2 mörk í viðbót!! Muna, rólegir upp við markið.

- Áhugaleysi!
- Þurfum að spila félagann betur upp.
- Labbað og horft á þegar félaginn er í vandræðum!
- Miðverðir voru of framarlega - töluðu lítið saman.

Í einni setningu: Frekar ódýrt jafntefli eftir að hafa vaðið í færum og verið betri aðilinn í leiknum - með meiri krafti og sigurvilja hefðum við rúllað upp þessum leik!

- - - - -