Ísl mót v Fjölni - fös!

Jess.

Síðasti leikurinn v Fjölni í rimmunni - tókum báða í gær og nú var bara að klára dæmið - og gulltryggja okkur í fyrstu þrjú sætin. Allt um það hér:

- - - - -

• Hvaða leikur: C lið v Fjölni í Íslandsmótinu.

Dags: Föstudagurinn 28.ágúst 2009.
Tími: kl.17.00 - 18.15.
Völlur: Suðurlandsbraut.

Dómarar: Bolli og Ævar fórnuðu æfingu og voru virkilega flottir.
Aðstæður: Suddinn alveg að syngja sitt síðasta, en slapp og veðrið líka flott.

Staðan í hálfleik: 9 - 0.
Lokastaða: 10 - 0.

Mörk: Sigurjón (3) - Arnar G (2) - Sigurður Þór (2) - Jakob Gabríel - Skúli - Gabríel Ingi.
Maður leiksins: Sigurjón (endaði seasonið með stæl).

Liðið: Hallgrímur Snær í markinu - Andrés og Hörður Gautur miðverðir - Jakob Gabríel og Ýmir bakverðir - Óli fyrir framan vörnina - Arnar G og Skúli á miðjunni - Gabríel Ingi og Sigurður Þór á köntunum - Guðmundur Örn einn frammi. Varamenn: Kári, Kristjón Geir, Sigurjón, Marteinn Þór og Pétur Jökull.

Frammistaða:

Menn voru nánast allir að skila topp leik. Vörnin var afar solid, átu alla bolta og unnu vel saman. Arnar átti mjög góðan leik, er allur að komast inn í "íslenska systemið" :-) Sigurjón var virkilega öflugur í dag, sem og á móti Fylki síðasta mánudag.

Almennt um leikinn:

Tók okkur smá tíma að komast í gang, en þegar það tókst þá völtuðum við yfir þá. Mér fannst við samt sækja of mikið upp miðjuna, beint í þvöguna! Verðum að leysa það betur, hlaupa í eyður og skipta um kanta. En það kom þá ekki að sök, við vorum virkilega grimmir að spóla okkur í gegn og klára með skoti.

Stundum vantaði að leysa betur úr pressu, of margir horfa bara á, verða að losa sig og koma í aðstoð. Svo þurfum við að passa að vera vel á tánum þegar langi boltinn er að koma frá þeim og innfyrir - eiga alltaf nokkra metra á þá.

Annars komu með mjög vel gíraðir inna á, allir voru að leggja sig vel fram. Varnarleikurinn var perfect, þeir áttu ekki breik í okkur. Voru með nokkra snögga stráka en við sáum alltaf við þeim.

Virkilega flott að enda mótið svona, lokastaðan 3.sætið í riðlinum. Getum kannski grátið Leiknisleikinn smá - en í heildina stóðu þið ykkur virkilega vel. Látum okkur bronsið nægja að sinni og tökum gullið næst!

Liðstjóri: - Vantaði :-(

- - - - -