Ísl mót v FH - mán!

Jamm.

Stutt á milli leikja hjá okkur - FH kom í heimsókn á TBR völl og var mikið barist. Náðum bara að hala inn 1 stigi af 6 - allt um það hér:

- - - - - -

• Hvaða leikur: A lið v FH í Íslandsmótinu.

Dags: Mánudagurinn 29.júní 2009.
Tími: kl.17.00 - 18.15.
Völlur: TBR völlur.

Dómarar: Arnþór F og Dagur í 3.fl - verkefni aðeins of stórt fyrir þá en þeir reyndu þó.
Aðstæður: Gætu ekki verið betri - völlurinn brilliant og veðrið geggjað.

Staðan í hálfleik: 1 - 2.
Lokastaða: 3 - 3.

Mörk: Daði (3).
Maður leiksins: Daði.

Liðið: Hörður Sævar í markinu - Daníel L og Árni Þór bakverðir - Birkir Már og Sveinn Andri miðverðir - Anton Orri fyrir framan vörnina - Jón Konráð og Elvar Örn á köntunum - Jökull Starri og Jovan á miðjunni - Daði einn frammi. Varamenn: Páll Ársæll, Breki, Njörður, Andri Már og Vésteinn Þrymir.

Frammistaða:

- sjá hjá Tedda!

Almennt um leikinn:

- sjá hjá Tedda!

Liðstjóri: Guðbergur (jón konráð).

- - - - -

• Hvaða leikur: B lið v FH í Íslandsmótinu.

Dags: Mánudagurinn 29.júní 2009.
Tími: kl.18.20 - 19.35.
Völlur: TBR völlur.

Dómarar: Rúnar aðaldómari og Seamus og Stebbi á línunnni - nokkuð góðir í dag.
Aðstæður: Gætu ekki verið betri - völlurinn brilliant og veðrið geggjað.

Staðan í hálfleik: 1 - 3.
Lokastaða: 1 - 6.

Mörk: Andri Már.
Maður leiksins: Breki.

Liðið: Vésteinn Þrymur í markinu - Hörður Gautur og Arnar P bakverðir - Páll Ársæll og Jón Kaldal miðverðir - Njörður aftari miðja - Bjarni Pétur og Breki á köntunum - Þorsteinn Eyfjörð og Andri Már á miðjunni - Björn Sigþór einn frammi. Varamenn: Kristófer Karl, Jónas Bragi, Brynjar, Þorkell og Logi.

Frammistaða:

Vésteinn: Allt í gúddí það sem ég sá.
Hörður: Mikið að gera hjá honum í dag - var á milljón allar sjötíu mínúturnar - vantaði einstaka sinnum að koma sér í stöðu, halda á manninn og bíða eftir aðstoð.
Arnar: Virkilega góð vinnsla - vantaði svo herslumuninn að setja eitt ef ekki tvö á þá í lok seinni.
Palli: Hefðum mátt spila aðeins aftar á þá - garga á línuna - en annars flottur.
Kaldal: Vantaði aðeins upp á kraft í nokkrar sendingar - en vann annars vel og tók allann leikinn.
Njörður: Vann vel á miðjunni það sem ég sá af honum.
Bjarni: Duglegur að fá og vinna boltann, missti hann samt allt of oft frá sér á þeirra vallarhelming.
Breki: Brilliant vinnsla - alltaf að, klassa leikur.
Þorsteinn: Nokkuð solid það sem ég sá af honum.
Andri Már: Barðist vel - nokkuð solid það sem ég sá af honum.
Björn: Margt gott í gangi - hefði átt að setja tvö í seinni - hefði mátt vinna aðeins betur tilbaka - þess vegna niður á okkar teig (rooney), og muna allt jákvætt.

Kristó: Man ekki alveg nógu vel eftir þeirra mörkum, held að hann hafi lítið getað gert. Áfram flott útspörk, vantar kannski að öskra og stjórna vörninni betur.
Jónas: Alveg súper innkoma - mjög ánægður með hans frammistöðu.
Brynjar: Nokkuð góð barátta á kantinum - duglegur að skýla boltanum - vantaði aðeins upp á að koma honum betur frá sér.
Þorkell: Oft séð hann betri - kom kannski kaldur inn á! En vann á er leið á leikinn.
Logi: Leikur nr.2 í dag - það sást aðeins. En var að gera sitt besta.

Almennt um leikinn:

Í raun var þetta "one of those games" þar sem allt fór inn hjá þeim en ekkert gekk hjá okkur fyrir framan þeirra mark. Og ef þetta á við eitthvað lið þá á það við um FH (líka í meistaraflokknum). Þeir bara klára sín færi, ekkert flóknara en það.

Við vorum samt ekki að dekka nógu vel og klára okkar menn. Sérstaklega fóru þeir auðveldlega upp hægri kantinn sinn. Og oft vantaði að halda betur, snúa þannig að við beinum þeim að aðstoðinni okkar (t.d. að næsta miðjumanni).

Við duttum smá í "gefast upp pakkann" - við vorum ekki að berjast nóg allir 11 inn á, en þrátt fyrir það vorum við að fá færi í seinni hálfleik, sem við vorum algjörir aular að nýta ekki.

Mér fannst vanta meiri samvinnu og meiri tal, það að við ætluðum að berjast saman og hjálpa næsta félaga. Það er alveg á hreinu að ef við skynjum einhverja neikvæðni inn á vellinum og að einhver detti í að skamma og pirrast þá verður hann ekki inn á vellinum. Við hljótum alltaf að geta djöflast og gert okkar besta, þótt við lendum á móti góðu liði og að sendingar og fleira gangi ekki upp hjá okkur, þaggi!

Nú er bara að bretta upp ermarnar, ÍR er er næst - þó nokkrir leikmenn þurfa að sýna okkur betri frammistöðu en í dag, það er klárt mál.

Liðstjóri: Guðbergur (jón konráð).

- - - - -