Leikir v Keflavík!

Sælir.

Tveir leikir í Keflavík á mánudaginn. Tvö töp staðreynd. Nú þurfum við
virkilega að fara að þjappa okkur saman og fara að finna leiðina
að þremur stigum! En allt um leikina hér:

- - - - -

Dags: Mánudagurinn 3.júlí 2006.
Tími: kl.18.00 - 19.15.
Völlur: Keflavíkurvöllur.

Þróttur 1 - Keflavík 2.
Staðan í hálfleik: 1 - 0.
Gangur leiksins: 1-0, 1-1, 1-2.

Maður leiksins: Jónas.
Mörk: Árni (26 mín).

Vallaraðstæður: Erfiður vindur og völlurinn slappur á stöku stað.
Dómari: Tríó, dómarinn góður og línuverðir sömuleiðis.

Liðið (4-4-2): Anton í markinu - Gylfi og Aron bakverðir - Diddi og Jónas í miðverði - Bjarki B og Ævar Hrafn á miðjunni - Bjarki Steinn og Bjarmi á köntunum - Ási og Árni frammi + Arnþór Ari.
Frammistaða:

Anton - Fínn leikur, var grimmur í úthlaup og varði vel, ekki hægt að kenna honum um mörkin tvö.
Gylfi - Ágætis leikur, var reyndar með full mikið bil á milli sín og miðvarðar á köflum
Aron - Stóð fyrir sínu, getur samt mun betur, var ekki alveg nógu öruggur á boltann.
Jónas - Toppleikur sem fyrr, mjög öruggur í vörrninni og spilaði boltanum vel frá sér.
Diddi - Ekki að spila á getu, getur miklu, miklu betur, kannski óöruggur í nýrri stöðu, þarf að bæta fyrstu snertinguna.
Ævar - Alltaf jafn öruggur á boltann, vantaði samt smá yfirferð í hann og skapanda.
Bjarki B - Ágætis leikur, vantar samt líkamlegan styrk, en það mun bókað koma fyrr eða seinna.
Bjarmi - Fínn leikur, náði samt ekki að taka bakvörðinn nægilega vel á, vantaði kannski meiri aðstoð frá Gylfa
Bjarki Steinn - Ágæt frammistaða, vantaði samt aðeins uppá baráttu og vilja, getur stungið flesta af ef hann vill, en virðist ekki "nenna" því stundum.
Ási - Toppleikur, toppvinnsla og barátta til fyrirmyndar, klárlega hans besti leikur það sem af er.
Árni - Var sprækur í fyrri hálfleik og skoraði klassa mark, sást samt varla í seinni, þegar framherjar fá úr litlu að moða, þá þurfa þeir að vera duglegir til baka og koma sér inní leikinn.
Arnþór - Klassa innkoma, stóð sig með stakri prýði.

Almennt um leikinn:

Jemm jemm jemm, ekki enn komið stig í nýju búningunum...en þessi leikur var mun betri en sá á móti Njarðvík. Í byrjun var jafnræði með liðunum, en smám saman vorum við sterkari aðilinn, enda með vindi í fyrri hálfleik. Við náðum samt ekki að brjóta á bak aftur þeirra sterku vörn, allavega fengum við sossum engin dauðafæri, Árni skoraði nottla þetta mark, sem var mjög vel klárað. Ég mundi samt segja að megin munurinn á liðinum var sá að þeir voru reddí í að fara í návígi til að vinna þau, við vorum alltof ragir til að taka á þeim. Það vantar sárlega einn "Hauk/Keane" í þetta lið.

En jæja, komum semsagt ágætlega úr fyrri hálfleik, vorum ívið sterkari og klárlega betur spilandi, þrátt fyrir nokkur mistök af okkar hálfu. Töluðum um svo í hálfleik að detta vel til baka í föstum leikatriðum, en að halda samt áfram að sækja, staðan var jú aðeins 1-0 í hálfleik. Kannski að ég hafi ekki tekið nógu skýrt fram að við ætluðum aðeins að detta vel til baka í föstum leikatriðum, allavega, þá duttum við full mikið til baka og gáfum þeim of mörg færi á okkur. Þeir skoruðu svo tvö tæp mörk, við vitum alveg hvað málið var þar.

Eftir að þeir komast í 2-1, þá fyrst förum við að gera eitthvað og vorum mun betri aðilinn eftir það, þrátt fyrir að ná ekki að skapa okkur góð færi. Svekkelsis 2-1 tap því staðreynd, í leik þar sem jafntefli hefði kannski verið sanngjörn úrslit.

- - - - -

Dags: Mánudagurinn 3.júlí 2006.
Tími: kl.19.20 - 20.30.
Völlur: Keflavíkurvöllur.

Þróttur 0 - Keflavík 3.
Staðan í hálfleik: 0-1.
Gangur leiksins: 0-1, 0-2, 0-3.

Maður leiksins: (Dómarinn (djók)), Kobbi.
Mörk: - - - - -

Vallaraðstæður: Slappar; rok og rigning = ekki spes.
Dómari: Afar slappur dómari, en tveir ágætis línuverðir.

Liðið (4-4-2): Krissi í markinu - Nonni og Tolli í bakverðinum - Kobbi og Gummi í miðverði - Símon og Arnar Bragi á köntunum - Arnar Kári og Arnþór á miðjunni - Anton S og Gulli frammi + Mikki, Daði, Flóki og Viktor.

Frammistaða:

Krissi - Klárlega ekki hans dagur, getur mun betur, en allir hafa sína slæmu daga, við getum alveg bókað að hann komi sterkur í næsta leik.
Nonni - Toppleikur, stóð vel fyrir sínu og vann flesta bolta.
Tolli - Fínn leikur, þar samt að bæta aðeins "tötsið" og þá erum við að dansa.
Kobbi - Klassa leikur, var alltaf á réttum stað og vann allar tæklingar.
Gummi- Fínasti leikur, myndar fínasta miðvarðapar með Kobba.
Símon - Hefur leikið betur, vantar baráttu og ósérhlýfni.
Arnar Bragi - Ekki alveg nógu beittur, vantar smá sprengikraft.
Arnar Kári - Fínn leikur, var að vinna vel á miðjunni þarf bara að komast í aðeins betra leikform.
Arnþór Ari - Klassa fyrri hálfleikur var að skapa eins og ljónið.
Anton S - Var mjög ógnandi allan leikinn, enn fékk á sig eitt óþarfa spjald...og fyrir vikið rekinn útaf.
Gulli - Fín vinna, óheppinn að skora ekki einu sinni, var að vinna vel fyrir liðið.
Mikki - Fín innkoma, var að spila boltanum hárrétt, en vantar smá yfirferð.
Daði - Einnig fínasta innkoma, mætti samt vera graðari frammá við.
Flóki - Topp innkoma, ógnaði eins og ljónið, en vantaði aðeins uppá ákvarðanatökuni þegar á reyndi.
Viktor - Ágætis innkoma, varðist vel og ekki hægt að setja út á framlag hans.

Almennt um leikinn:

Merkilegt að við höfum náð að tapa þessum leik...og það 3-0. Skemmst er frá því að segja að við fengum á okkur tvö aula mörk, eitt mark var óverjandi fyrir Krissa, en það hefði mátt koma í veg fyrir að þeir næðu skotinu. En já, við vorum mun sterkari aðillinn í fyrri hálfleik, áttum eitt sláar skot og Símon hitti svo ekki boltann í deddara. Staðan 1-0 fyrir þá í hálfleik og við verðum að gera okkur grein fyrir því að það að klúðra dauðfæri er í raun alveg jafn slæmt og missa boltann frá sér í vörninni, við VERÐUM að fara nýta þessi færi.

En jæja, við töluðum um það í hálfleik að vera ekki að svekkja okkur yfir dómgæslunni, vera þolinmóðir og halda áfram að sækja, þeir voru jú aðeins einu marki yfir.

Við byrjuðum strax að sækja og áttum nokkrar góðar sóknir og nokkur góð skot, en inn vildi boltinn ekki, þeir ná svo að skora tvö, ansi ódýr mörk á okkur, sérstaklega þetta eftir hornið, og eftir það gáfumst við eiginlega upp. En nú þurfum við að girða okkur í brók, búnir að tapa núna þremur í röð, rífum'etta upp.

- - - - -