Innanhúsbolti!

hey hey.
hérna eru nokkrir punktar fyrir mótið á morgun.
kíkið á þá!

Almennt.

• Vellinum er skipt í fjóra hluta og það er leikið á lítil mörk.
• Fjöldi leikmanna er 5, þ.e. 4 útileikmenn og markmaður.
• Frjálsar skiptingar (en skipta verður á miðlínu þegar boltinn er ekki í leik).
• Spila verður í sokkum, stuttbuxum og treyju, en auk þess er skylda að vera í legghlífum.
• Markmaður má ekki taka boltann upp með höndum eftir sendingu samherja (sama og vanalega).
• Í stað innkasts, skal koma innspyrna (og ekki er hægt að skora úr innspyrnu).
• Rennitæklingar eru alveg bannaðar.
• Markmaður má ekki taka lengri tíma en 4 sekúndur til að koma boltanum í leik. Hann tekur þá alltaf markkast og verður að henda út fyrir vítateig.
• ATH - Nýtt: Eftir að markvörður kastar út, má hann ekki koma aftur við boltann nema boltinn hafi farið yfir miðju, eða að mótherji hafi komið við hann. Annars er dæmd óbein aukaspyrna.
• Leikið verður til úrslita og veitt verðlaun; bikar og gull- og silfurverðlaunapeningar.
• Leiktíminn er 1*16mín.

Ítarlegt.

Hlaup:

• Sóknarmenn krossa.
• Varnarmaður og sóknarmaður krossa.
• Sóknarmaður býður sig alveg til markmanns (losnar um hinn sóknarmanninn).
• Varnarmenn bjóða sig og fá boltann – aftur á markmann sem sendir langan bolta fram.
• Ath: vídd.
  

Annað.

• Alltaf að sækja á þremur leikmönnum.
• Alltaf taka þríhyrninga uppi við.
• Markmaður kemur upp með boltann.
• Alltaf að bjóða sig vel fyrir markmann.
• Vera nálægt öllum mönnum, pressa vel (sérstaklega eftir mörk og þegar markvörður er í vandræðum).
• Sóknarmenn sérstaklega duglegir að hjálpa til í vörninni. Keyra sig út.
• Tala og vera með læti.
• Vanda allar sendingar á okkar vallarhelmingi.
• Skjóta sem mest.
• Þjappa vel í vörn.
• Vera óhræddir, sýna sjálfsöryggi og taka menn á.

koma svo.is